Meðlag og fyllibyttublús

Önnur plata Ljótu hálfvitanna er komin út og er hún skírð í höfuðið á sveitinni rétt eins og fyrsta plata. Á meðal laga á nýju plötunni eru Lukkutröllið, sem hefur hljómað töluvert í útvarpi að undanförnu, Stjáni, Fyllibyttublús og Meðlag.

Auk þess syngur Guðrún Gunnarsdóttir dúett með Guðmundi Svafarssyni í Paradísarmissi og þeir Hörleifur Valsson, fiðluleikari, og Gunnar Ben, óbóleikari, takast á í einleikseinvígi í Áfram stelpur!

Seinni útgáfutónleikarnir vegna plötunnar verða haldnir í Ýdölum í Aðaldal á föstudagskvöld. Í júní eru síðan fyrirhugaðir tónleikar í Keflavík, Ólafsvík og á Dalvík.