Innlent

Helstu hálendisvegir opnaðir fyrir umferð - Emstruleið þó ófær

Allir helstu hálendisvegir landsins hafa nú verið opnaðir umferð en þeir eru alla jafna færir jeppum og stærri bílum.

Þannig er búið að opna leiðirnar um Kaldadal, Kjöl, Sprengisand, Fjallabaksleiðir nyrðri og syðri sem og veginn inn í Öskju og Kverkfjöll. Gæsavatnaleið er hins vegar enn lokuð. Í tilkynningu frá Vegagerðinni segir enn fremur að Emstruleið sé ófær vegna vatnavaxta. Þá er allur akstur bannaður á Dynjuleið, milli Sprengisands og Öskju, og að hluta til á Stórasandi vegna aurbleytu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.