Nýr styrktarsjóður fyrir ljósmóður- og hjúkrunarfræðinema

Í dag var stofnaður nýr styrktarsjóður við Háskóla Íslands, sem veitir styrki til nemenda í framhaldsnámi í ljósmóður- og hjúkrunarfræðum.

Stofnframlagið er 25 milljóna króna gjöf frá Soffíu Þuríði Magnúsdóttur sem arfleiddi Háskóla Íslands að meginhluta eigna sinna. Nýi sjóðurinn nefnist Minningarsjóður Bjargar Magnúsdóttur ljósmóður og Magnúsar Jónassonar bónda.

Undirritun stofnskrárinnar fór fram í dag í Aðalbyggingu Háskóla Íslands, en þá tók Kristín Ingólfsdóttir, rektor Háskólans, við stofnfé sjóðsins að upphæð 25 milljónir króna.