Leituðu fram á nótt að fíkniefnum í bílnum úr Norrænu

Menn úr fíkniefnadeild lögregunnar á höfuðborgarsvæðinu leituðu fram á nótt að fíkniefnum í bílnum, sem tekinn var úr umferð við komuna til Seyðisfjarðar með Norrænu í gær.

Við fyrstu leit í bílnum fannst veruegt magn af fíkniefnum, bæði hassi og hvítu dufti, sem annaðhvort er amfetamín eða kókaín. Lögregla hefur ekki gefið upp hversu mikið fannst við fyrstu leit og ekki liggur fyrir hvort meira fannst í bílnum í gærkvöldi.

Erlendur karlmaður á sextugsaldri, sem var á bílnum, hefur verið úrskurðaður í gærluvarðhald, en grunur leikur á að hann eigi sér vitorðsmann eða menn hér á landi.

Í tilkynningu frá lögreglunni á Seyðisfirði segir að málið sé afrakstur samstarfs tollgæslunnar á Íslandi og í Færeyjum.