Guðni: Lýsir fullri ábyrgð á hendur Sjálfstæðisflokki

Guðni Ágústsson, formaður Framsóknarflokksins, sagði á Alþingi áðan lýsa fullri ábyrð á hendur Sjálfstæðisflokknum vegna stöðunnar í efnahagsmálum. „Ég þekki ekki Sjálfstæðisflokkinn fyrir þann flokk sem ég vann með," sagði Guðni og bætti við að þá þorði flokkurinn á takast á við mál.

Guðni sagði það væri virðingarvottur að forystumenn ríkisstjórnarinnar viðurkenni nú efnahagsvandann. Hann líkti Geir veðurfræðing sem tali um fortíðina.

Guðni sagði að það væri skylda þingmanna að halda uppi góðum lífskjörum hér landi og skapa atvinnu svo fólk flytji ekki úr landi. Framsóknarflokkurinn hefur talað fyrir samráði og þjóðarsátt, að sögn Guðna, með aðkomu verkalýðshreyfingar, atvinnulífs og fjármálafyrirtækja svo hægt verði að koma hjólum atvinnulífsins í gang á nýjan leik.

Guðni talaði fyrir stórum framkvæmdum og nefndi sérstaklega opinberar vegaframkvæmdir og álverin á Bakka og í Helguvík. Hann sagði Samfylkinguna leika marka leiki hvað álverin varðar. ,,Leikrit Samfylkingarinnar er dæmalaust hvað þetta mikilvæga mál varðar."