Lífið

Gróðursettu þyrnirósir fyrir Sigur Rós

Í Bjarkarlundinum miðjum var síðan plantað þyrnirósum sem tákni fyrir hljómsveitina Sigur Rós.
Í Bjarkarlundinum miðjum var síðan plantað þyrnirósum sem tákni fyrir hljómsveitina Sigur Rós. MYND/Guðrún Tryggvadóttir

Í gær var margt um manninn skammt frá bökkum Þjórsár í landi Skaftholts í Gnúpverjahreppi en Sól á Suðurlandi og Náttúruverndarsamtök Suðurlands höfðu boðað til gróðursetningar þúsund bjarka í landi Skaftholts.

Þúsund bjarkir voru gefnar af Garðyrkjustöðinni Sunnu á Sólheimum. Í Bjarkarlundinum miðjum var síðan plantað þyrnirósum sem tákni fyrir hljómsveitina Sigur Rós.

Skógræktin tengist söngkonunni Björk og hljómsveitinni Sigur Rós á þann hátt að þau hafa boðað til Náttúru-tónleika í Laugardalnum að viku liðinni þar sem þjóðinni er boðið til tónleika til að vekja athygli á mikilvægi varúðar í umgengni við náttúru Íslands. Þetta framtak vilja samtökin Sól á Suðurlandi og Náttúruverndarsamtök Suðurlands þakka og festa í minni með ræktun Bjarkarlundar og Sigur-Rósar-garðs við bakka Þjórsárs.

Frú Vigdís Finnbogadóttir sendi þrjár myndarlegar bjarkir til að

gróðursetja í lundinum, eina fyrir drengi, aðra fyrir stúlkur og hina

þriðju fyrir ófæddu börnin.

Í Bjarkarlundi mun Suðurland og náttúruunnendur allir geta hist í

framtíðinni og fagnað sigrum í baráttunni. Með þessari athöfn er

ræktuð sú von að perlur Þjórsárdals og Urriðafossi verði þyrmt og ekki

verði af þremur virkjunum í ánni.

Fjöldi manns var mættur til að sýna samstöðu og leggja skógræktinni

lið og náttúruöflin létu ekki sitt eftir liggja og vökvuðu rækilega

enda slíkt nauðsynlegt ný-jarðtengdum viðarplöntunum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.