24 stundir skjótast upp fyrir Moggann í lestri

Dagblaðið 24 stundir er komið upp fyrir systurblað sitt, Morgunblaðið, í meðallestri samkvæmt nýrri könnum Capacent Gallup.

Fram kemur á heimasíðu Gallup að meðallestur á hvert tölublað 24 stunda sé 45,8 prósent en 41,7 prósent hjá Morgunblaðinu. Fréttablaðið er hins vegar sem fyrr mest lestna blaði með tæplega 62 prósenta meðallestur.

Tölur Gallup leiða einnig í ljós að nærri 88 prósent aðspurðra lásu eitthvað í Fréttablaðinu þegar könnunin var gerð, tæp 74 prósent eitthvað í 24 stundum og 70,5 prósent eitthvað í Morgunblaðinu. Könnunin fór fram 1. nóvember 2007 til loka janúar í ár og voru 4200 manns í úrtaki Capacent. Svarhlutfall reyndist tæp 62 prósent.