Húsafriðunarnefnd vill friða 10 hús við Laugaveg

Húsafriðunarnefnd hefur óskað eftir því við menntamálaráðherra að hann friði tíu hús við Laugaveg. Húsin sem um ræðir eru öll byggð fyrir 1918 en það elsta, húsið við Laugaveg 11, var byggt árið 1868. Búið var að gefa heimild til að rífa niður fjögur af þessum húsum, það er að segja húsin við Laugaveg 11, 21, 29 og 44.

Nikulás Úlfar Másson, forstöðumaður Húsafriðunarnefndar, segir um örþrifaráð af hálfu húsfriðunarnefndar að ræða þar sem borgaryfirvöld hafi ekki brugðist við beiðni nefndarinnar um varðveislu húsanna.

Auk húsanna tíu við Laugaveg óskaði nefndin ennfremur eftir því ráðherra að hann friðaði hús sem stendur við Bergstaðastræti eitt. Var það gert af ósk eiganda. Nikulás segir sveitarfélög ekki passa nógu mikið upp á gömul hús.