Óska eftir fundi með þingmönnum vegna uppsagna hjá HB Granda

Bæjarstjórn Akraness ákvað á fundi sínum í gær að óska þegar í stað eftir fundi með þingmönnum Norðvesturkjördæmis í kjölfar þess að stjórnendur HB Granda hafa ákveðið að segja upp öllu starfsfólki fyrirtækisins, sem vinnur við fiksvinnslu á Akranesi.

Þetta gangi þvert á fyrri yfirlýsingar stjórnarformanns félagsins. Í ályktun bæjarstjórnarfundarins segir meðal annars að með þessari ákvörðun sé í rauninni verið að semja lokakafla í hundrað ára atvinnusögu útgerðar og fiskvinnslu á Akranesi.