Eyjagoss minnst með viðburðum í allan dag

Þrjátíu og fimm ár eru í dag liðin frá því að eldgos hófst í Vestmannaeyjum og Eyjamenn sigldu allir sem einn til lands á fiskiskipaflota sínum.

Minningardagskráin hófst með því að börn úr Grunnskóla Vestmannaeyja kveiktu á fjölda ljóskera. Svo vel vildi til fyrir 35 árum að allur flotinn var í höfn vegna brælu daginn áður og voru eyjarnar orðnar mannlausar nokkrum kklukkustundum eftir að gosilð hófst.

Það stóð í röska fimm mánuði og þrátt fyrir harða baráttu vaskra björgunarmanna urðu þónokkur hús eldi að bráð, önnur grófust undir hraun og enn önnur fóru á kaf í ösku. Grafið var frá þeim flestum og þau gerð íbúðarhæf á ný.

Þegar gosið braust út bjuggu rúmlega fimm þúsund manns í Eyjum en margir settust að í landi og hefur íbúafjöldinn aldrei náð fyrri tölu.

Tímamótanna verður meðal annars minnst með blysför frá ráðhúsinu, með viðkomu við Landakirkju og þaðan verður haldið að Höllinni, þar sem haldin verður þakkargjörðarhátíð. Fleiri viðburðir verða í Eyjum í dag.