Tilboð í Óshlíðargöng verða opnuð eftir hádegi

Tilboð í Óshlíðargöng við Bolungarvík verða opnuð eftir hádegi í dag að viðstöddum samgönguráðherra.

Fram kemur í tilkynningu frá Vegagerðinni að tilboðum sé hægt að skila inn fyrir klukkan tvö í dag en þau verða svo opnuð korteri síðar. Vegagerðin auglýsti síðsumars eftir þátttakendum í forvali vegna jarðganganna sem liggja milli Hnífsdals og Bolungarvíkur og verða rúmir fimm kílómetrar.

Fimm verktakar og verktakahópar óskuðu eftir því að taka þátt í forvalinu og fjórir þeirra voru valdir, Íslenskir aðalverktakar og svissnesk fyrirtækið Marti Contractors, tékkneska félagið Metrostav og Háfell, norska fyrirtækið Leonhard Nilsen & Sønner og Héraðsverk á Egilsstöðum og Ístak.