Lífið

Heldur þú að fasteignaverð sé hátt á Íslandi?

Sigríður Elva Vilhjálmsdóttir skrifar
Sumar íbúðirnar í Skuggahverfi gætu lent á listanum.
Sumar íbúðirnar í Skuggahverfi gætu lent á listanum.
Finnist mönnum fasteignaverð á Íslandi orðið óþægilega hátt er alltaf hægt að flytja. Það skiptir samt máli hvert.



Samkvæmt könnun sem Global Property Guide gerir er London dýrasta borg í heimi, og nokkuð ljóst að það myndi ekki gera mikið fyrir veskið að flytja þangað. Í hverfum á borð við Chelsea, Kensington, Belgravia og Notting Hill getur verð á fermetra auðveldlega farið upp í rúmar 2,4 milljónir króna. Venjulegri hverfi, sem þó þykja viðkunnaleg til búsetu, kosta svo að meðaltali rúma eina og hálfa milljón á fermetra. Íbúðir sem íslenskir viðskiptajöfrar hafa undanfarin ár fjárfest í í London hafa margar hverjar kostað upp undir milljarð króna.



New York er í öðru sæti listans, en samkvæmt honum kostar sæmileg íbúð á Manhattan ekki nema milljón og sextíu og sjö þúsund að meðaltali á fermetra. Moskva kemur svo fast á hæla stóra eplisins, en fermeterinn í þessum fyrrum höfuðvígi kommúnismans kostar ekki nema milljón og fjörtíu þúsund að jafnaði.



Fermetraverð var reiknað út frá 120 fermetra íbúð miðsvæðis. Samkvæmt upplýsingum frá fasteignasala sem Vísir ræddi við fara nýlegar íbúðir í miðborg Reykjavíkur sjaldnast á meira en 450 þúsund krónur á fermetra. Það er svipað og fasteignaverð á Turks og Caicos eyjum í Karíbahafinu, eða í Tel Aviv.



Vilji menn hinsvegar flytja eitthvert þar sem maður fær meira fyrir aurinn er hægt að benda á Bangalore á Indlandi þar sem fermeterinn er að meðaltali á 65 þúsund krónur, eða Kaíró, þar sem hann kostar ekki nema rúmar 38 þúsund.

Listinn lítur að öðru leiti svona út:



1. London 1,624,750 kr. á fermetra



2. New York 1,067,511 kr. á fermetra



3. Moskva 1,040,577 kr. á fermetra



4. París 926,342 kr. á fermetra



5. Hong Kong 844,133 kr. á fermetra



6. Tokyo 795,290 kr. á fermetra



7. Singapore 790,600 kr. á fermetra



8. Mumbai 684,874 kr. á fermetra



9. Barcelona 661,357 kr. á fermetra



10. Genf 504,778 kr. á fermetra

Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.