Blaðamannafélagið segir nýlega dóma þrengja að tjáningarfrelsi

Án tjáningarfrelsis er engin leið að tryggja að annarra mannréttinda sé gætt. Því er tjáningarfrelsi forsenda þess að almennt lýðfrelsi ríki. Þetta segir í ályktun sem Blaðamannafélagið hefur sent frá sér.

„Undanfarið hafa fallið dómar sem þrengja mjög að tjáningarfrelsi og byggja á mjög þröngri túlkun dómstóla á því sem getur kallast eðlileg umræða í lýðræðisþjóðfélagi. Í þessum dómum birtist mjög neikvæð sýn á tjáningarfrelsi og þeim sjónarmiðum sem að baki því liggja," segir í ályktun félagsins.

Félagið varar við þessari þróun og brýnir dómstóla landsins að kynna sér alþjóðlega dómaframkvæmd á því sviði.