Höfðu í hótunum við fjórða félagið

Þrjú greiðslukortafyrirtæki, sem hafa játað á sig ólöglegt samráð og margvísleg önnur brot á samkeppnislögum og greitt 735 milljónir í sektir, höfðu í hótunum við fjórða félagið, þegar það kom inn á markaðinn fyrir nokkrum árum.

Málið hófst með því að Samkeppniseftirlitið gerði húsleit hjá Greiðslumiðlun í júní í hitteðfyrra. Á grundvelli gagna, sem þar fundust, var samdægurs gerð húsleit hjá Kreditkortum sem aftur leiddi til þess að gerð var húsleilt hjá hjá Fjölgreiðslumiðlun í júní í fyrra,og hringnum lokað.- Í sáttinni felst meðal annars að Greiðslumiðlun viðurkennir að hafa misnotað markaðsráðandi stöðu sína gegn Kortaþjónustunni, sem var nýr keppinautur við kortafélögin þrjú, sem fyrir voru.

Þá viðurkenna Greiðslumiðlun og Kreditkort að hafa haft með sér langvarandi og víðtækt ólöglegt samráð og tók þriðja fyrirtækið, Fjölgreiðslumiðlun að hluta þátt í því. Kortaþjónustan segist hafa orðið fyrir umtalsverðu fjárhagstjóni vegna samráðsins:

Brotlegu fyrirtækin þrjú eru samofin bankastofnunum því Fjölgreiðslumiðlun er í sameiginlegri eigu viðskiptabankanna, sparisjóðanna, Greiðslumiðlunar, kreditkorts og Seðlabanka Íslands.- Þar sem málið var afgreitt með sátt og sekt, verður engin sóttur til saka af hinu opinbera, og tvö fyrirtækjanna hafa skipt um nöfn og forstjóra.