Þrír teknir grunaðir um stórfellda þjófnaði

Lögregla lagði í gær hald á mikið magn þýfis sem stóð til að senda úr landi. Upp komst um málið þegar lögregla rannsakaði þjófnað í raftækjaverslun í Holtagörðum. Sá verknaður náðist á myndband og í framhaldi af því var einn maður handtekinn.

Sá aðili benti á samverkamann sinn og í framhaldi af því fór fram húsleit hjá honum þar sem mikið magn þýfis af ýmsu tagi. Í morgun var svo þriðji aðilinn handtekinn vegna málsins og segir Ómar Smári Ármannsson, hjá auðgunarbrotadeild lögreglunnar að rannsókn málsins sé á seinni stigum.

Um er að ræða raftæki, tölvubúnað, myndavélar og fleira, að sögn Ómars sem stolið hefur verið að undanförnu í raftækjaverslunum, byggingavöruverslunum og stómörkuðum. Mennirnir sem um ræðir eru erlendir og telur lögregla víst að til hafi staðið að senda þýfið úr landi með pósti.