Flóðskemmdir á Húsavík

Mikið flóð varð í Húsavík vegna óveðursins sem geisaði á Norðurlandi í gærkvöld og urðu skemmdir á mannvirkjum við Húsavíkurhöfn, til dæmis á hafnarvog, saltskemmu auk þess sem það flæddi inn í Naustavararhúsið. Á héraðsfréttavefnum 640.is er haft eftir Stefáni Stefánssyni hafnarverði að enn sé ekki ljóst hvort um mikið tjón sé að ræða.

Björgunarsveit var kölluð út til að aðstoða hafnarverði, lögreglu og eigendur báta og tókst þeim að koma í veg fyrir að ný flotbryggja skemmdist í soginu sem myndaðist innan hafnarinnar. Sogið mun hafa verið talsvert í höfninni eftir að miklar fyllur komu inn í hana.