Kirkjuþing sett í dag

Biskup Íslands setur Kirkjuþing Þjóðkirkjunnar nú klukkan 10 í Grensáskirkju. Fimmtíu ár eru liðin frá því að þingið var fyrst haldið og er þess jafnframt minnst að 75 ár eru liðin frá því að Kirkjuráð tók fyrst til starfa. Af þessu tilefni sækja þingið gestir frá öllum norrænu kirkjunum og fulltrúi frá þýsku lútersku kirkjunum. Vegna þrenginga í efnahagsmálum þjóðarinnar, verður hátíðarhöldum mjög stillt í hóf en þess í stað mun Kirkjuráð veita Hjálparstarfi kirkjunnar 15 hundruð þúsund króna í styrk og væntir kirkjan þess að framlagið verði nýtt í innlent hjálparstarf fyrir jólin.

Á kirkjuþingi munu flytja ávörp þau Ólafur Ragnar Grímsson, forseti Íslands, Björn Bjarnason, dóms- og kirkjumálaráðherra, Sturla Böðvarsson, forseti Alþingis, Jens-Petter Johnsen, framkvæmdastjóri norska Kirkjurárðsins og Dorothea Kutter, varaforseti kirkjuþings lútersku kirknanna í Þýskalandi