Dómsmálaráðuneytið auglýsir eftir nýjum lögreglustjóra

Dómsmálaráðuneytið auglýsir embætti Lögreglustjórans á Suðurnesjum laust til umsóknar í Morgunblaðinu á morgun. Jóhann R. Benediktsson gegndi áður embættinu en lét af embætti um síðustu mánaðamót vegna deilna við dómsmálaráðherra. Ólafur K. Ólafsson, lögreglustjóri og sýslumaður Snæfellinga, var þá settur lögreglustjóri á Suðurnesjum til áramóta. Samkvæmt auglýsingunni sem birt er í Morgunblaðinu á morgun er gert ráð fyrir að nýr lögreglustjóri á Suðurnesjum verði skipaður frá 1. janúar næstkomandi til næstu fimm ára.