Mæltu manna heilastur, félagi Össur

Samtök hernaðarandstæðinga fagna orðum Össurar Skarphéðinssonar, starfandi utanríkisráðherra, um að heimsóknir breskra herþotna verði afþakkaðar á næstunni og hvetja íslensk stjórnvöld til að hætta alveg að bjóða hingað erlendum her.

Í yfirlýsingu frá samtökunum segir að vandséð sé hvernig stjórnvöld gætu réttlætt að sóa fjármunum í uppihald hermanna sem koma hingað til að sinna fánýtum æfingum. Nú þegar raunveruleg ógn steðji að Íslandi hafi sést hversu gagnslaust það sé fyrir þjóðina að tilheyra NATO, bandalagi sem beinist gegn andstæðingi sem ekki sé lengur til. „Aldrei hefur verið ljósara að NATO-aðild Íslands er kostnaðarsamt dútl sem gerir ekkert til að tryggja öryggi og hag þjóðarinnar," segja Samtök hernaðarandstæðinga.