Hálka og ófærð víðsvegar um landið

Það er hálka og skafrenningur á Hellisheiði og í Þrengslum en hálkublettir víða á útvegum á Suðurlandi. Á Vesturlandi er víða nokkur hálka - og skafrenningur sumstaðar á heiðum. Á Vestfjörðum er verið að hreinsa vegi. Klettsháls er ófær en verður mokaður, og eins er verið að moka í Ísafjarðardjúpi. Vegagerðin minnir fólk á að sýna varúð vegna mikilla vegaskemmda á Óshlíð.

Það er hálka, él og skafrenningur á Norðurlandi vestra. Þverárfjall er ófært og þar er beðið með mokstur. Mikil ofankoma er við Eyjafjörð og stórhríð þaðan og austur á Tjörnes og Möðrudalsöræfi. Á Austurlandi er stórhríð á Vopnafjarðarheiði, Vatnsskarði og Öxi en víðast er snjóþekja, skafrenningur og ofankoma, samkvæmt upplýsingum frá Vegagerðinni.