Varað við hættulegum rafhlöðum í höfuðtólum

Neytendastofa varar við hættulegum rafhlöðum sem notaðar eru í þráðlausum höfuðtólum af gerðinni GN9120.

Fram kemur í tilkynningu stofnunarinnar að dreifngaraðilinn, GN Netcom, hafi tilkynnt um að skipta þurfi út rafhlöðunum í þessum höfuðtólum. Rafhlöðurnar eru af gerðinni Amperex Technology Limited og eru klæddar í hvítt plast og merktar "Made by ATL". Rafhlöðurnar geta ofhitnað vegna innri skammhlaupa og þannig valdið eldhættu. Eigendum GN Netcom höfuðtóla er bent á að kanna hvort þeirra þau innihalda umræddar rafhlöður og ef svo er þá að taka vöruna úr sambandi og hætta notkun hennar tafarlaust.

Þeir sem vilja frekari upplýsingar á íslensku og panta nýjar rafhlöður er hægt að fara inn á að fara á vefsíðuna www.jabra.com/battery. Þar er einnig hægt að sjá mynd af höfuðtólunum og rafhlöðunum sem ber að skipta út fyrir nýjar. Einnig er hægt að hafa samband við dreifingar- og söluaðilana Tæknivörur og Opin kerfi.