Með yfir 24 þúsund barnaklámmyndir í tölvu sinni

Héraðsdómur Reykjavíkur hefur dæmt karlmann í sex mánaða skilorðsbundið fangelsi fyrir að hafa yfir 24 þúsund ljósmyndir og 750 hreyfimyndir sem flokkast sem barnaklám í tölvum sínum.

Þá var hann einnig sakfelldur fyrir að hafa í ágúst 2006 reynt að afla sér hreyfimyndar, sem sýnir stúlkubarn á kynferðislegan og klámfenginn hátt, af heimasíðu á Netinu. Maðurinn pantaði myndina með rafrænum hætti á Netinu og greiddi fyrir hana með greiðslukorti en myndin komst ekki í hans vörslu.

Maðurinn játaði brot sín skýlaust en hann hafði aldrei áður komist í kast við lögin. Þá kemur fram í dómnum að hann hafi leita sér sálfræðiaðstoðar til þess að vinna bug á hneigðum sínum og var tekið tillit til þess við ákvörðun refsingar. Var dómur hans skilorðsbundinn til þriggja ára.