Innlent

Starfsmenn Kaupþings fá laun á uppsagnarfresti

Finnur Sveinbjörnsson, forstjóri Kaupþings.
Finnur Sveinbjörnsson, forstjóri Kaupþings.

Þeir starfsmenn Kaupþings sem ekki verður boðið starf hjá Nýja Kaupþingi fá laun sín greidd á uppsagnafresti í samræmi við kjarasamninga. Þetta kemur fram í tölvupósti sem starfsmönnum hefur verið sendur.

Finnur Sveinbjörnsson, nýráðinn bankastjóri Nýja Kaupþings, sagði í kvöldfréttum Stöðvar 2 þriðjudag að ekki væri hægt að lofa því að starfsmenn fái allan uppsagnarfrestinn greiddann. Hann sagði að verið væri að finna „ásættanlega niðurstöðu fyrir alla í málinu." Þetta var á skjön við yfirlýsingar skilanefndar sem sagði það skýra kröfu að staðið verði við ákvæði í ráðningarsamningum.

Í tölvupóstinum sem nú hefur verið sendur hefur verið til starfsmanna segir: ,,Skilanefnd Kaupþings hefur ákveðið að þeim starfsmönnum sem sagt verður upp störfum og ekki boðið starf í Nýja Kaupþingi banka, verði greidd laun á uppsagnarfresti í samræmi við kjarasamningsbundinn rétt."




Tengdar fréttir

Finnur búinn að skipta um skoðun?

Finnur Sveinbjörnsson nýráðinn forstjóri Nýja Kaupþings, sagði í fréttum Stöðvar 2 í kvöld, ekki getað lofað því að hægt verði að borga þeim sem sagt verður upp þriggja mánaða uppsagnarfrest. Finnur gegndi áður starfi formanns skilanefndar Kaupþings. Í bréfi sem starfsmannastjóri bankans sendi starfsfólki fyrir hönd skilanefndar þann 11. október síðastliðinn segir að nefndin geri skýra kröfu um að staðið verði við ákvæði í ráðningarsamningi starfsmanna. Þar með talið á launum á uppsagnarfresti, ef til uppsagna kemur.

Mest lesið


Fleiri fréttir

Sjá meira


×

Mest lesið