Enginn hægagangur á máli Paul Ramses

Björn Bjarnason dóms- og kirkjumálaráðherra segir það ekki eiga við nein rök að styðjast að hægagangur sé á máli Keníamannsin Paul Ramses hjá ráðuneytinu.

Á bloggsíðu sinni segir Björn að málið hafi borist ráðuneytinu þann 9.júlí með kæru Katrínar Theódórsdóttur lögmanns Pauls. Þaðan hafi hún farið til umsagnar útlendingastofnunar daginn eftir.

„Fimm dögum síðar barst umsögn stofnunarinnar og daginn eftir, 16. júlí, var hún send lögmanninum til umsagnar. Þetta er hefðbundið ferli stjórnsýslukæru en hraðinn er meiri á málinu en venjulega. Að fengnum þessum gögnum tekur ráðuneytið ákvörðun um næstu skref," skrifar Björn á heimasíðu sína.