Gegnir stöðu mannréttindastjóra tímabundið

Staða mannréttindastjóra Reykjavíkur hefur verið auglýst laus til umsóknar. Núverandi mannréttindastjóri Reykjavíkur hefur sagt starfi sínu lausu.

Kristín Þóra Harðardóttir lögfræðingur og heimspekingur mun gegna starfinu þar til nýr mannréttindastjóri hefur verið ráðinn. Kristín Þóra hefur fjölbreytta starfsreynslu og m.a. unnið fyrir Kvenréttindafélag Íslands.

Í kjölfar ráðningar mannréttindastjóra verður ráðinn verkefnisstjóri sem mun starfa við hlið hans. Hlutverk og störf mannréttindafulltrúa á öllum sviðum borgarinnar verða skilgreind betur og samráð þeirra við mannréttindaskrifstofu aukið.

Þetta kemur fram í tilkynningu frá Reykjavíkurborg nú í kvöld.