Rannsókn á lokastigi í alvarlegu barnaverndarmáli

Rannsókn á máli þriggja barna sem talin eru hafa sætt alvarlegu ofbeldi af hálfu föður síns er á lokastigi. Þetta staðfesti yfirmaður rannsóknardeildar lögreglunnar á höfuðborgarsvæðinu við fréttastofu Stöðvar 2 og Vísis í dag.

Börnin sem um ræðir eru á aldrinum 9 til 15 ára og hafa öll verið fjarlægð af heimilinu.

Málið er eitt það alvarlegasta sem fólk sem í barnaverndarstarfi hefur séð en grunur leikur á að ofbeldið hafi staðið yfir í langan tíma. Í einu tilfelli var eitt barnanna notað sem hnífaskotskífa þar sem hnífum var kastað að því.

Skýrslutökum er lokið en ekki er búið að gefa út ákæru í málinu.