Innlent

Íhugar bótakröfu barna sinna

Magnús Már Guðmundsson skrifar

Faðir sem grunaður er um að hafa beitt þrjú börn sín alvarlegu ofbeldi ákvað að taka sér frest til að íhuga afstöðu sína til bótakröfu réttargæslumanns barnanna sem honum var birt í gær.

,,Við tókum frest til að kanna grundvöll bótakröfunnar," segir Hilmar Ingimundarson verjandi mannsins. Maðurinn er krafin bóta fyrir hvert og eitt barn. Fjárkrafan verður væntanlega tekin upp í ákærunni en rannsókn málsins er á lokastigi.

Börnin sem um ræðir eru á aldrinum 9 til 15 ára og hafa öll verið fjarlægð af heimilinu. Málið mun vera eitt það alvarlegasta sem fólk í barnaverndarstarfi hefur séð.

Hilmar segir að málið sé í eðli sínu viðkvæmt. Að hans mati hefur umræðan almennt verið ósanngjörn og þá sérstaklega gagnvart börnunum. ,,Það skortir að málið sé hugsað út frá hagsmunum barnanna."


Tengdar fréttir

Notuðu barn sitt sem hnífaskotskífu

Rannsókn stendur yfir á máli þriggja barna á höfuðborgarsvæðinu sem sætt hafa alvarlegu ofbeldi af hálfu foreldris. Meðal annars hefur eitt þeirra verið notað sem hnífaskotskífa.

Rannsókn á lokastigi í alvarlegu barnaverndarmáli

Rannsókn á máli þriggja barna sem talin eru hafa sætt alvarlegu ofbeldi af hálfu föður síns er á lokastigi. Þetta staðfesti yfirmaður rannsóknardeildar lögreglunnar á höfuðborgarsvæðinu við fréttastofu Stöðvar 2 og Vísis í dag.

Mest lesið


Fleiri fréttir

Sjá meira


×

Mest lesið