Vilja ítarlega rannsókn á skuldsetningu bankakerfisins

Þar segir einnig að miklar hættur steðji að íslensku þjóðfélagi. Hrun fjármálafyrirtækja og hömlur á gjaldeyrisviðskipti hafi þegar valdið miklum búsifjum og geti leitt til keðjuverkandi hruns í atvinnulífinu með atvinnuleysi og þrengingum.

Við þær aðstæður þurfi að að efla alla grunnþjónustu og öflugt velferðarkerfi geri okkur kleift að standa af okkur áföllin. Með samstöðu og samheldni muni þjóðinni takast að vinna bug á erfiðleikunum enda undirstöður efnahagslífsins traustar. BSRB segir þó að forsendur samstöðunnar séu jöfnuður og félagslegt réttlæti. Það beri vott um ófyrirleitni og botnlaust dómgreindarleysi þegar hátekjufólk kalli eftir samstöðu lágtekjufólks án þess að heita jafnframt stuðningi við róttækar jöfnunaraðgerðir. Er því hafnað að almennt launafólk beri allann herkostnaðinn af óráðsíu og bruðli undanfarinna ára.

Bandalagið segir fjármálamenn og stjórnendur og eigendur fjármálafyrirtækja hafa skuldsett samfélagið á óábyrgan og siðlausan hátt. Krefst BSRB ítarlegrar rannsóknar þar sem leitt verði í ljós hverjir séu ábyrgir fyrir skuldsetningu bankakerfisins og þar með þjóðarinnar. Þá segja samtökin að íslensk stjórnvöld megi ekki rasa um ráð fram og undirrita samninga sem bindi komandi kynslóðir um langa framtíð fyrr en álitamál hafi verið til lykta leidd.

BSRB segir að snúa þurfi bökum saman og efla gjaldfrjálsa heilbrigðisþjónustu og menntakerfi, félagsþjónustu og félagslegt húsnæðiskerfi. Þá þurfi að efla löggæslu og almannavarnir.