ESB dregur Ítali fyrir rétt vegna ruslins í Napólí

Evrópusambandið ætlar að stefna Ítalíu fyrir rétt vegna úrræðaleysis í sorphirðumálum í Napólí. Heilu fjöllinn af sorpi hafa safnast upp í borginni síðustu mánuði og nú hafa framkvæmdastjórarnir í Brussel ákveðið að kæra landið.

Málið hefur vakið mikla athygli að undanförnu og á meðal kosningaloforða nýkjörins forseta landsins, Silvio Berlusconis, var að hann myndi ekki una sér hvíldar fyrr en sorpið væri komið á réttan stað.

Evrópusambandið, sem ekki hefur verið þekkt fyrir viðbragðsflýti hingað til, ætlar ekki að bíða eftir Berlusconi heldur fara með málið fyrir dómstóla strax.