Ólafur Ragnar kom til Bangladess í gær

Ólafur Ragnar Grímsson, forseti Íslands, er nú staddur í opinberri heimsókn í Bangladess en þangað kom hann í gærkvöldi. Ólafur Ragnar mun meðal annars taka þátt í lokaathöfn alþjóðlegrar ráðstefnu um loftslagsbreytingar og fæðuöryggi í Suður-Asíu en ráðstefnan hófst á mánudag.

Iajuddin Ahmed, forseti Bangladess, tók á móti Ólafi Ragnari með viðhöfn á Zia-flugvellinum í Dakka, höfuðborg landsins. Ólafur fundar meðal annars með Nóbelsverðlaunahafanum Muhammad Yunus um helgina og er gert ráð fyrir að hann snúi til baka til Íslands 1. september.

BDNEWS24 greindi frá.