Hlutverk Samfylkingarinnar er að standa vörð um velferðarkerfið

Aldrei hefur verið mikilvægara en nú að verja það öfluga lífeyris- og réttindakerfi sem verkalýðshreyfingin hefur byggt upp á undanförnum áratugum, að mati verkalýðsmálaráðs Samfylkingarinnar.

Í ályktun ráðsins frá því í gær segir að grundvallarhlutverk Samfylkingarinnar séað standa þétta vörn um það velferðarkerfi sem byggt hefur verið upp hér á landi.

Ráðið lýsir ánægju með störf Jóhönnu Sigurðardóttur, félagsmálaráðherra, og skorar á þingflokk Samfylkingarinnar að leggja allt sitt af mörkum til þess að verja lífskjör almennings og tryggja öflugt og fjölbreytt atvinnulíf.

,,Það er forsenda þess að þjóðin standi af sér þau áföll sem dunið hafa yfir og hér verði byggt upp samfélag jafnaðar og réttlætis," segir í ályktun ráðsins.