Seðlabankinn gerir ráð fyrir 10% atvinnuleysi í lok næsta árs

Reiknað er með að verðbólga fari í 20% í byrjun næsta árs, en hún mældist 15,9% í október. Þetta segir í Peningamálum Seðlabankans, sem kom út í dag.

"Framhaldið er mjög óvíst og ræðst að miklu leyti af gengisþróun krónunnar. Verðbómarkmið Seðlabankans hefur beðið hnekki og tæpast verður haldið áfram á grundvelli þess eins á næstu mánuðum. Takist hins vegar að ná markmiði um stöðugt og hærra gengi en verið hefur undanfarnar vikur eru horfur á að verðbólga geti hjaðnað tiltölulega hratt og vextir í kjölfarið, einkum ef samningar takast um óbreytta kjarasamninga. Mikill samdráttur verður í efnahagslífinu, einkum einkaneyslu" segir í Peningamálum.

Þá segir Seðlabankinn að atvinnuleysi muni aukast og áætlað að það muni nema 10% vinnuaflsins í lok næsta ár. Verulegur afgangur muni myndast fljótt í vöru og þjónustuviðskiptum við útlönd og viðskiptahalli nánast hverfa þegar á næsta ári. Langan tíma muni takast fyrir efnahagslífið að komast í fyrra horf. Hve skjótt bati geti hafist veli einkum á því hven langan tíma taki að koma á stöðugleika í gengismálum. Einnig muni erlend fjárfesting hafa verulega þýðingu.