Stjórnarandstaðan boðuð á fund í Ráðherrabústaðnum

Núna klukkan 11:00 voru forystumenn stjórnarandstöðuflokkanna boðaðir á fund í Ráðherrabústaðnum við Tjarnargötu. Nokkur fjöldi fréttamanna er staddur fyrir utan Ráðherrabústaðnum og eftir því sem þeir komast næst hefur verið fundað þar síðan um 8:00 í morgun. Ríkisstjórnarfundi var frestað í morgun.

Aðilar frá Alþjóðagjaldeyrissjóðnum eru á fundinum auk nokkurra ráðherra úr Ríkisstjórninni. Vænta má tíðinda af fundinum innan skamms, en gera má ráð fyrir að verið sé að kynna stjórnarandstöðunni aðstoð frá IMF.