Innlent

Ríkisstjórnin lánar bönkum - brunabótaviðmið afnumið

Ríksisstjórnin hefur ákveðið að grípa til sérstakra aðgerða vegna erfiðrar stöðu á fasteigna- og fjármaálmarkaði.

Stofnaðir verða tveir nýir lánaflokkar hjá Íbúðalánasjóði. Annar varðar lán til banka og annarra fjármálafyrirtækja til endurfjármögnunar á íbúðalánum sem þeir hafa veitt. Þetta er til að bæta lausafjárstöðu fyrirtækjanna.

Hinn flokkurinn varðar lán til banka og annara fjármálafyrirtækja vegna nýrra íbúðalána. Skilyrði lánveitinga í þessum flokkum eru til þess fallin að tryggja öryggi og framboð lána og eðlilega verðmyndun á íbúðamarkaði eins og segir í yfirlýsingu ríkisstjórnarinnar. Lánin verða veitt með sérstöku gjaldi vegna ríkisábyrgðar og skilyrðum um að hámarksveðhlutfall fari ekki yfir þau mörk sem gilda hjá Íbúðalánasjóði.

Brúnabótaviðmið lánveitinga Íbúðalánasjóðs verður auk þess afnumið og þess í stað verður miðað við allt 80 prósentum af kaupverði eignar. Hámarkslán hækkar auk þess í 20 milljónir króna í stað 18.

Að auki mun ríkisstjórnin setja 75 milljarða í ríkisskuldabréf á markað til að bæta gjaldeyrisstöðu hér á landi.


Tengdar fréttir

Steingrímur: Innrás bankanna var mislukkuð

Steingrímur J. Sigfússon, formaður Vinstri grænna, segir ákvörðun ríkisstjórnarinnar um aðgerðir vegna erfiðrar stöðu á fasteigna- og fjármálamarkaði sýna að innrás bankanna á fasteignamarkað var mislukkuð.

ASÍ: Ástæða til að fagna aðgerðum ríkisstjórnarinnar

Alþýðusamband Íslands telur ástæðu til að fagna tillögu ríkisstjórnarinnar sem miða að því að blása lífi í húsnæðismarkaðinn. Eins og fram kom fyrr í dag hleypur ríkið undir bagga með bönkunum og lánar þeim fé til að lána til íbúðarkaupa og þá verður brunabótaviðmið lánveitinga Íbúðalánasjóðs afnumið og miðað við 80 prósent af kaupverði eignar.




Fleiri fréttir

Sjá meira


×