Öðrum kókaínsmyglaranum sleppt

Ekki verður krafist frekara gæsluvarðhalds yfir kókaínsmyglara sem handtekinn var í Leifsstöða 16.desember sl. Gæsluvarðhald yfir manninum rennur út í dag og verður honum sleppt. Annar maður sem tekinn var með rúmt kíló af kókaíni og talinn er tengjast þessum manni verður hinsvegar í gæsluvarðhaldi til 7.janúar.

Hæstiréttur staðfesti gæsluvarðhaldsúrskurð yfir manninum í gær en það rennur út í dag eins og fyrr segir.

Maðurinn sætti sérstakri rannsókn og eftirliti lögreglu þar sem hann hafði flutt til landsins 6 ferðatöskur til landsins þann 9. desember síðastliðinn. Við skoðun tollgæslu kom í ljós að ein þeirra innihélt um 150 g af kókaíni, sem falið var inn í tölvuflakkara.

Var honum sleppt að lokinni röntgenrannsókn þann 16. desember sl. en handtekinn aftur daginn eftir þegar að hann vitjaði ferðatasknanna sem hann hafði verið skráður fyrir sem sendandi og móttakandi.