Innlent

Gunnar Smári afþakkar heiðurinn af falli meirihlutans

Gunnar Smári Egilsson
Gunnar Smári Egilsson

Gunnar Smári Egilsson segist ekki trúa því að hann sé svo áhrifaríkur að hann hafi stuðlað að falli meirihluta Ólafs F. Magnússonar og sjálfstæðismanna eins og ýjað hefur verið að.

Hanna Birna Kristjánsdóttir tilkynnti Ólafi um meirihlutaslitin rétt eftir klukkan eitt í dag. Hún hyggst ganga til samstarfs við framsóknarmenn.

Greint hefur verið frá mikill óánægju með þá ákvörðun Ólafs að ráða Gunnar Smára í það verkefni að taka út upplýsingamál fyrir Reykjavíkurborg.

Sumir hafa jafnvel gengið svo langt að segja að ráðningin hafi verið kornið sem fyllti mælinn í samskiptum Ólafs við sjálfstæðismenn.

Sjálfur segist Gunnar Smári ekki hafa heyrt af þessari óánægju. "En ég held að ég verði að afþakka heiðurinn af því að hafa orðið meirihlutanum að falli," segir hann. "Það hljóta að vera einhverjar aðrar og meiri ástæður að baki þessari ákvörðun."









Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.