Þekkt lögfræðistofa kannar réttarstöðu Íslands

Íslenska ríkisstjórnin hefur samið við eina af helstu lögfræðistofum Lundúnar til þess að kanna möguleika á skaðabótakröfu á hendur breskum stjórnvöldum vegna hruns bankakerfisins. Þetta kemur fram á vef Financial Times.

Blaðið segir að ákvörðun íslenskra stjórnvalda um að leita til Lovells lögmannsstofunnar þýði að deilan, vegna ákvörðunar Alistair Darlings um að setja Kaupþing í greiðslustöðvun og að frysta eignir Landsbankans, sé orðin mjög hörð.

Þá segir Financial Times að Geir Haarde forsætisráðherra hafi óskað eftir því að Lovells myndi skoða endurskipulagningu á bankakerfinu í heild sinni og skoða mögulega skaðabótakröfu á hendur Bretlandi.

"Lovells hefur veitt íslensku ríkisstjórninni ráðgjöf vegna áhrifa íslenska bankahrunsins í Englandi og á alþjóðavettvangi," hefur Financial Times eftir talsmanni Lovells.

Þá segir Financial Times að Kaupþing hafi áður verið búið að ráða Grundberg Mocatta Rakison lögfræðifyrirtækið í sína þjónustu.