Níutíu skólabörnum rænt í Kongó

Hinn svokallaði Andspyrnuher Guðs í Úganda hefur rænt níutíu skólabörnum í Congo. Óttast er að þau verði neydd til þess að gerast hermenn.

Andspyrnuherinn er alræmdur fyrir að ræna börnum. Telpur eru neyddar til þess að gerast „eiginkonur" fullorðinna hermanna en drengirnir eru neyddir til þess að berjast og fremja allskonar ódæðisverk.

Mörg barnanna sem var rænt eru enn á grunnskólaaldri. Andspyrnuherinn hefur haldið uppi blóðugu borgarastríði í Úganda í meira en tuttugu ár.