Seðlabankastjóra sagt upp

Þrátt fyrir slúðursögur undanfarinna daga um lífverði Geirs H. Haarde eru ráðamenn landsins greinlega ekki í neinu glerbúri. Að minnsta kosti átti listamaðurinn Snorri Ásmundsson ekki í miklum vandræðum með að komast að Geir á blaðamannafundi hans fyrir stundu, og afhenda honum bréf.

„Ég var að afhenda Geir H uppsagnarbréf," segir Snorri. Uppsagnarbréfið er ætlað Davíð Oddsyni seðlabankastjóra, en Snorri er ekki par ánægður með frammistöðu hans í starfi. Hann vonar að forsætisráðherra færi Davíð bréfið.

„Einhver varð að gera þetta. Það var kominn tími á þetta fyrir löngu," segir Snorri.