Heppin bankastjóri missti af verðlausum kaupum

Tæknin kom í veg fyrir hlutabréfakaup Birnu Einarsdóttur, núverandi bankastjóra Nýja Glitnis, í Glitni og um leið í veg fyrir gjaldþrot viðkomandi, sem hefði þýtt að hún mætti ekki sinna starfinu.

Þann 29. mars á síðasta ári barst Kauphöllinni tilkynning um að Birna hefði keypt í gegnum einkahlutafélag sitt Melkorku, sjö milljón hluti í bankanum á genginu 26,4 eða fyrir 190 milljónir króna. Næstu 11 mánuðina hélt Birna að hún ætti hlutinn eða þar til hún mætti á hluthafafund þann 20. febrúar síðastliðinn, en þá var eignarhlutur Birnu hvergi á skrá. Kaupin gengu aldrei í gegn segir hún og kannski ágætt fyrir hana þar sem gengi bréfa í bankanum hafði hrunið og var komið í 18,15.

Þá spyrja menn sig eflaust hvernig hún hafi ekki vitað hvað hún ætti eða ætti ekki, rukkaði hana enginn. Glitnismenn segja arðgreiðslur næstu ára hafa átt að fara upp í hlut Birnu og þar af leiðandi ekki gengið á hana hvað borgun varðar.

Fréttamaður fékk tölvupróst frá þessum degi, sem Birna sendi innan bankans þar sem hún spyr hvort hún eigi bréf í bankanum eða ekki, hvort kaupin hafi kannski ekki gengið í gegn, sem var raunin.