Þrír af árásarmönnunum á Hverfisgötu handteknir

Lögreglan handtók fyrir skömmu þrjá af fjórum árásármönnum sem ruddust inn í hús við Hverfisgötu með bareflum á laugardagskvöldið og börðu fjóra menn sem þar búa. Tveir íbúanna voru fluttir á slysadeild með höfuðáverka.

Mennirnir voru handteknir í Ökuskólanum í Mjódd klukkan rúmlega 18 í dag. Þetta staðfesti Sigurbjörn Víðir Eggertsson, aðstoðaryfirlögregluþjónn í Reykjavík, í samtali við Vísi.

Lögreglan handsamaði einn af fjórmenningunum í gær og var honum sleppt úr haldi í kjölfarið á handtökunum í dag.

Bæði árásarmennirnir og þeir sem ráðist var á eru af erlendu bergi brotnir og telur lögregla að þeir þekkist að einhverju leyti.