Ingibjörg Sólrún með góðkynja mein í höfði

Ingibjörg Sólrún Gísladóttir utanríkisráðherra er með góðkynja mein í höfði. Þetta kom í ljós við rannsókn á Mount Sinai sjúkrahúsinu í Bandaríkjunum.

Þangað varð Ingibjörg flutt eftir að hún fékk aðsvif í pallborðsumræðum í fyrradag á Allsherjarþingi Sameinuðu þjóðanna í New York. Í tilkynningu frá utanríkisráðuneytinu segir að meðhöndla þurfi meinið og verður það gert á næstu dögum og vikum.

Ráðherra mun engu að síður taka þátt í dagskrá í tengslum við allsherjarþingið. Læknar telja ekki þörf á langri fjarveru ráðherra frá vinnu vegna þessa.