Búið að sleppa lögguníðingunum úr Árbæ

Gæsluvarðhald yfir fimm karlmönnum sem úrskurðaðir voru í gæsluvarðhald vegna árásar á tvo lögregluþjóna um þarsíðustu helgi átti að renna út í dag. Þeim var hinsvegar öllum sleppt á föstudaginn og er rannsókn málsins á lokastigi. Þrír mannanna voru úrskurðaðir í gæsluvarðhald á miðvikudaginn í síðustu viku og bættust þeir í hóp tveggja annarra sem sátu í varðhaldi.

Mennirnir eru allir grunaðir um að hafa ráðist á tvo lögreglumenn, karl og konu, sem voru við skyldustörf í Hraunbæ í Árbæ aðfaranótt sunnudags í síðustu viku. Árásin er sögð hafa verið með öllu tilefnislaus en í Fréttablaðinu í síðustu viku kom fram að allir tilheyri þeir þekktu gengi Filiippseyinga.

Alls voru tólf menn handteknir í þágu rannsóknarinnar og er hún á lokastigi eins og fyrr segir. Engin mannanna hefur verið úrskurðaður í farbann.