Mikill áhugi í Afríku á samstarfi við Ísland í orkumálum

Mikill áhugi er í Afríku á samstarfi við Ísland í orkumálum og kom sá áhugi skýrt fram ráðstefnu um þróun vistvænnar orku í álfunni sem haldin var í dag í höfuðstöðvum Afríkusambandsins í Addis Ababa.

Fram kemur í tilkynningu utanríkisráðuneytisins að doktor Guðni Jóhannesson orkumálastjóri hafi verið aðalræðumaðurinn á ráðstefnunni en hann fór yfir stöðu orkumála og möguleika á þróun vistvænnar orku í ræðu sinni.

Segir í tilkynningunni að ráðstefnan hafi verið vel sótt og mikill áhugi sé á samtarfi við Ísland í orkumálum, ekki síst við vegna Djibútíverkefnisins svokallaða, byggingu 50 megavatta jarðhitavirkjunar, en þar koma íslenskir aðilar við sögu.