Samfylkingin mælist stærri en Sjálfstæðisflokkurinn

Samfylkingin nýtur meira fylgis en Sjálfstæðisflokkurinn á landsvísu. Þetta kemur fram í nýjum þjóðarpúlsi Gallup sem Ríkisútvarpið sagði frá.

Þrjátíu og þrjú prósent svarenda sögðust styðja Samfylkinguna en 32% Sjálfstæðisflokkinn. Samkvæmt skoðanakönnuninni mælist stuðningur við ríkisstjórnina 54%, sem er töluvert minni stuðningur en samanlagt fylgi stjórnarflokkanna tveggja.

Þá reyndist röskur helmingur svarenda, eða 56%, vera vera óánægður með nýjan borgarstjórnarmeirihluta Sjálfstæðisflokks og framsóknarmanna. Um 70% voru hins vegar óánægðir með meirihluta Sjálfstæðisflokksins og F-lista þegar stuðningur við þann meirihluta var mældur í maí.

Alls voru 4.500 manns hvaða flokk þeir myndu kjósa á Alþingi. Svarhlutfall í könnuninni var 66%. Spurningalisti um nýjan meirihluta í borginni var lagður fyrir ríflega 1100 landsmenn síðustu tvær vikurnar í ágúst. Um 61% svöruðu þeirri spurningu.