Með hass á Hótel Hilton

27 ára Reykvíkingur játaði í dag í héraðsdómi Reykjavíkur að hafa ætlað selja rúm 200 grömm af hassi sem fundust við leit á manninum á Akureyri annars vegar og í Reykjavík hins vegar.

Föstudaginn 18. janúar hafði maðurinn 14 grömm af hassi í fórum sínum þar sem hann var handtekinn í Pennanum við Glerártorg. Hann var þá einnig með fjaðrahníf á sér. Í kjölfarið var gerð húsleit á hótelherbergi mannsins í Hafnarstræti. Þar fundust 192 grömm af hassi.

Laugardaginn 2. febrúar var maðurinn svo staddur á herbergi 535 á Hótel Hilton við Suðurlandsbraut. Þar fann lögregla tæp tuttugu grömm af hassi sem maðurinn játaði að vera eigandi að.

Maðurinn var í kjölfarið ákærður fyrir fíkniefna og vopnalagabrot sem hann játaði greiðlega í dag.

Dómur verður kveðinn upp í málinu innan þriggja vikna.