Sautján ára dæmdur fyrir tölvu- og bílstuld

Sautján ára piltur var í Héraðsdómi Suðurlands dæmdur í þriggja mánaða skilorðsbundið fangelsi fyrir að hafa stolið bæði tölvum og bíl.

Hann braust inn í Gaulverjaskóla í Flóahreppi í félagi við annan mann í janúar í fyrra og hafði á brott með sér fimm fartvölur að andvirði um hálfa milljón króna. Hugðust þeir koma tölvunum úr landi með DHL-hraðsendingu. Mennirnir komust á vettvang á bíl sem þeir stálu í vesturbæ Reykjavíkur.

Pilturinn játaði á sig brotin en litið var til þess að hann var 16 ára þegar brotin voru framin. Þá var einnig horft til þess að mennirnir hugðust koma þýfinu úr landi.