Tryggvi hættur hjá Nýja Landsbankanum

Tryggvi Jónsson, fyrrum aðstoðarforstjóri Baugs, hefur sagt upp störfum hjá Nýja Landsbankanum og þegar látið af störfum.

Störf Tryggva hjá bankanum hafa verið gagnrýnd undanfarið en tæpt hálft er síðan að hann var dæmdur í 12 mánaða skilorðsbundið fangelsi í tengslum við Baugsmálið.

,,Ástæðuna má rekja til þess ástands sem skapast hefur í kringum störf mín þar og vona ég að uppsögn mín megi verða til að þess að Landsbankinn fái þann starfsfrið sem hann á skilið," segir Tryggvi í tilkynningu.

Umræðan um Tryggva og störf hans hjá bankanum hefur að hans mati farið langt yfir öll velsæmismörk. Síðustu vikur hafa verið honum og fjölskyldu hans afar erfiðar. ,,Ég get setið undir ýmsu en þegar mótmæli af þeirri tegund sem sést hafa síðustu daga eru farin að bitna á fjölskyldu minni segi ég hingað og ekki lengra.

Ég vil þakka öllu starfsfólki Landsbankans fyrir gott samstarf, stuðning og góða viðkynningu og vona að því farnist vel í framtíðinni," segir Tryggvi.