Standa fyrir sameiginlegu átak gegn ölvunarakstri

Lögregluliðin á Suðvesturlandi hafa hafið sameiginlegt átak gegn ölvunarakstri sem standa mun til áramóta.

Skipulegu eftirliti verður haldið úti á ýmsum tímum sólarhrings og á mismunandi stöðum eftir því sem segir í tilkynningu lögreglunnar. Markmið átaksins er að vekja athygli á þeirri hættu sem stafar af ölvunarakstri og hvetja fólk til almennrar varkárni í umferðinni. Minnt er á viðvörunarorðin Eftir einn ei aki neinn en þau eiga alltaf við. Átakið nær að sjálfsögðu einnig til aksturs undir áhrifum fíkniefna en afleiðingar þess geta sömuleiðis verið skelfilegar.