Kjartan Magnússon stjórnarformaður Orkuveitunnar

Nýr meirihluti í borginni er byrjaður að leggja drög að skiptingu helstu ábyrgðarhlutverka innan borgarkerfisins. Samkvæmt heimildum Vísis er rætt um að Hanna Birna Kristjánsdóttir verði forseti borgarstjórnar og að Kjartan Magnússon verði formaður stjórnar Orkuveitu Reykjavíkur. Eins og kom fram á blaðamannafundi nýja meirihlutans í gær verður Vilhjálmur Þ. Vilhjálmsson formaður borgarráðs þann tíma sem Ólafur F Magnússon verður borgarstjóri. Þegar að Vilhjálmur tekur við borgarstjórastólnum verður Ólafur formaður borgarráðs.